ניו יארקער: די העפליכסטע מענטשן אויף די וועלט!
מיין פוס!
אבער אזוי זאגט א נייע שטודיע וואס איז ערצייגט געווארן דורך די פאפולערע READERS DIGEST וועלכע פארמאגט אכציג מיליאן אבונענטן (סובסקרייבער) אריינגערעכענט עטליכע פון די שיכורי הקרעטשמע.
ליינט אן אויסצוג פון דעם נעכטיגן אויסרופער אויף "קול מבשר":
אין א נייע שטודיע וואס איז לעצטנס אדורכגעפירט געווארן, איז ניו יארק ארויסגעקומען אלס די שטאט מיט די העפליכסטע מענטשן!*:namespace prefix = o ns = "urn:schemas-microsoft-com:office:office" />
ניו יארק איז ביז היינט באקאנט געווען אלס א שטאט מיט נערוועזע מענטשן וועלכע פארגינען נישט קיין שמייכל אדער א גוט ווארט פאר קיינעם, דערפאר איז איבערראשנד צו הערן די רעזולטאטן פון די שטודיע וואס איז דורכגעפירט געווארן דורך רעפארטערס פון "רידערס דייזשעסט".
די פאפולערע אויסגאבע האט אראפגעשיקט רעפארטערס צו 36 שטעט איבער די וועלט, אויסצופרובירן די העפליכקייט פון די דארטיגע איינוואוינער.
די רעפארטערס האבן אין אלע שטעט דורכגעפירט דריי טעסטס: ערשטנס, פלעגן זיי אריינשפאצירן אין בנינים אונטער אנדערע מענטשן, און געקוקט אויב מען האלט אפן די טירן פאר זיי. צווייטנס, האבן זיי געקוקט אויב געשעפטסלייט באדאנקן זיך פאר די קאסטומערס אפילו אויב זיי קויפן נאר א קלייניגקייט. דריטנס, האבן זיי זיך געמאכט ווי עס איז זיי אראפגעפלויגן א פעקל פאפירן, און האבן געקוקט אויב מענטשן בייגן זיך אראפ זיי צו העלפן אויפהייבן די צופלויגענע פאפירן.
איבער 2,000 מענטשן זענען אויספרובירט געווארן ביי די פראבעס, און ניו יארק איז ארויסגעקומען די בעסטע פון אלע!
90 פראצענט ניו יארקער האבן געהאלטן אפן די טיר פאר דער וואס איז אריינגעקומען אונטער זיי, 19 געשעפט אייגנטומער פון יעדע 20 האבן זיך העפליך באדאנקט פארן קאסטומער, און 63 פראצענט האבן ארויסגעהאלפן אויפהייבן די צופלויגענע פאפירן.
 |
|
